Psa 23 | WSK | STEP | Kari Biya mu aninga Bitua Kari, se ani mel bo ko me tukunang arikko.

Psalms 23

Kari Biya nu Sipsip nunga Bitua Kari Yawara ko den

(Devit ko wur bo)

1 Kari Biya mu aninga Bitua Kari,

se ani mel bo ko me tukunang arikko.

2 Nu kuwim sirsir yawara ago mu te agarak namoso, se nasam ale taga anisam.

Ale nu yu ningo duap te agarak namoso,

se nasam ale aeman sapasam.

3 Nu sokel iru aisiso.

Ale nu balam iwitata, lage ningo ware la te aga diruwuso.

4 O Kari Biya, aguwaya ani memek taikko pingi arik, bare ani me nguangirikko.

Mu awuk, ni ani agarak bagasam.

Ale ka sikir te aga sangaruko mu iluwasam,

se ani angamang sokel ago bagoso.

5 Ni aninga kager kari nomokete na yu yawara yawara ani aisisam, ale ninguru aga bitarsam se ko ko amilmilasam.

6 Se Kari Biya, ani ninguru ikisam, nika gemang lila, ka munan ningo, mu ani agarak la, nama tom udagi, nikarak ka kawam te tom suen biya bagirikko.